التسويق بالايميل - mail marketing
التسويق بالايميل بنستهدف بيه مين ?!
- مفيش مدير شركة - خليجي - رئيس تنفيذي - مدير ادارة
مش بيفتح ايميله مرة في اليوم علي الاقل .. بالتالي الايميل ماركتنج إستراتيجية مهمة جدا بالنسبة لاستهداف المديرين .
- الايميل هو اكتر حاجة بتتفتحرفي اوروبا .. لك ان تتخيل ان اوروبا كلها عندها الايميلات اولوية قصوي ..
سواء افراد او شركات .. بالتالي لو انت بتارجت دولة معينة في اوروبا لازم تحط في حساباتك ان الايميل هيجيب من الاخر .
نصايح التسويق بالايميل :
1- الداتا ..
الالش الرخيص بتاع قائمة ايميلات العالم العربي فكك منه لو معاك عشر ايميلات مستهدفين احسن من 100 عشوائي .
حاول بين كل فترة والثانية ترتب الداتا بتاعتك بحسب الدولة والمجال .. ودا هيساعدك تكون متميز في الارسال .
2 - التصميم :
تصميم الميل لازم يكون شيك وفيه بيانات شركتك .. و يكون الوانه مش مبالغ فيها ّ.. ويكون الصور فيه اكبر من الكلمات .
لان اللي بيخطف العين اكتر هو الصورة .
3- عنوان الميل : "هام جدا "
بص لو لقيت ايميل عنوانه " اشتري المنتج س " انت طبيعي هتقفل الايميل ومش هتفتحه .. لكن لو لقيت العنوان " خصم 10%علي البطاطس " غصب عنك هتهتم .
بالتالي كماركتير لازم تكون فاهم كويس اهمية العنوان ودا اللي انت تلعب عليه .
4 - لا تكن مفتعلا وكن ودود:
كل يوم لوجاتلك رسالة من ماكدونالز الطبيعي انك هتزهق .. حاول متبعتش الايميل لنفس الداتا بصورة يومية يعني متزهقش العميل منك. .. حاول تكون مصاحب العميل .. و تهنيه بالاعياد والمناسابات وتبعتله خدمة يحبها عشان يتقبل عروضك .
5- طريقة الارسال :
الموضوع هنا معقد .. حاول الارسال عندك ميكونش بطريقة آلية .. يعني متبعتش فوق ال 1000 الف ايميل عشان ميرجعوش عليك مرة تانية و تتعلم من السيرفر علي انك spam .
